VIZITA E PRESIDENTIT AMERIKAN GEORGE W. BUSH, ÇAST HISTORIK PËR SHËRBIMET E DEGËS SË R.M. të PLSH-ve.

Shërbimet e Degës së R.M. të PLSH-ve gjatë vizitës së Presidentit Amerikan GEORGE W. Bush garantuan jo vetëm masa të larta sigurie nga çdo punonjës, por treguan profesionalizëm, përkushtim dhe organizim të përsosur të të gjitha niveleve drejtuese të Degës së R.M. të PLSH-ve në marrjen e masave organizative në përmbushjen me sukses të kësaj vizite, duke bashkëpunuar, koordinuar dhe bashkëvepruar ngusht me të gjitha strukturat brenda Gardës së Republikës, Policisë së Shtetit, etj., si dhe me strukturat e tjera respektive Amerikane.

Të gjitha strukturat e Degës së R.M te P.L.SH-ve u vunë në gatishmëri me pjesëmarrje të plotë 100% të efektivave të saj, duke organizuar punën paraprake me masa të larta sigurie për të realizuar ruajtje dhe mbrojtje sa më efikase të eskortës presidenciale Amerikane dhe personaliteteve të larta të vendit dhe të huaja të ardhura në vendin tonë, si dhe objekteve, në të cilat zhvilloi aktivitet Zonja e parë Bush, në fshatin “SOS”, Restorantin “Sofra e Ariut” dhe Spitalin Obstetrik – Gjinekologjik “Mbretëresha Geraldine”. Masat e marra në këto objekte, si dhe ato të rëndësisë së veçantë ishin paraprake dhe me plan të veçantë. Morën pjesë në këto shërbime kuadro nga Shtabi i Degës së R.M. të PLSH-ve, Zyra e Ruajtjes e Mbrojtjes Fizike të PLSH-ve, si dhe ishin të angazhuar efektiva nga grupet e mbështetjes. Drejtuesit e këtyre grupeve Kapiten Mulet Haziraj, Major Ardian Mëhilli, Kapiten Qatip Bara treguan se kshin marrë masat më të larta.

 Në drejtim të koordinimit, si dhe masave të marra nga Shtabi i Degës duke pasur dhe pjesën më të rëndësishme të këtyre shërbimeve, në koordinim, bashkëveprim me të gjitha strukturat e Degës, Gardës së Republikës, Forcave Speciale respektive Amer ikane, Policisë së Shtetit etj. U bë e mundur në planin e masave organizative pasqyrimi i të gjitha detyrave kryesore të Degës, ku përveç tyre ishin të pasqyruara saktë mënyra e bashkëveprimit  dhe per shkëmbimin e informacionit midis palës s onë dhe asaj Amerikane.  Një punë e mirë e bërë në koordinimin me sukses të takimeve bilaterale pranë objekteve dhe rezidencave qeveritare, si dhe lëvizjes së eskortës Presidenciale Amerikane në përputhje me axhendën e Presidentit me PLSH-në e vendit dhe ato të huaja të ardhura në vendin tonë.
 
Zyra e Koordinimit hartoi në kohë të gjitha planet e sigurimit për ruajtjen dhe mbrojtjen e PLSH-ve të vendit dhe të huaja në veprimtaritë e tyre, Tiranë e rrethe, me të gjitha elementët e shërbimeve. U hartua një plan sigurimi i veçantë për sigurimin , ruajtjen e mbrojtjen e Presidentit Amerikan GEORGE W. Bush dhe Zonjës së Parë, duke bashkëvepruar ngushtë me strukturat e tjera të Gardës së Republikës, Sektorin e Analizës, Policinë e Shtetit, SH.I.SH., Forcat e Sigurisë Amerikane. Kjo falë aftësive vepruese e organizative të Specialistit të Koordinimit të Degës së R.M. të PLSH-ve, Major Admir Abrija, në ndërhyrjen në çdo aspekt dhe marrjen e masave të shpejta në kohë dhe momentet e duhura, duke koordinuar punën dhe me Shefen e Sigurisë së eskortës së Presidentit Bush gjatë largimit nga Aeroporti “Nënë Tereza”, si dhe palëve të sigurisë sonë.

Përmendim këtu koordinimin me efiçencë të eskortës së Kryeministrit Maqedonas me atë të Presidentit Amerikan Bush. Gjatë kryerjes së shërbimit me grup avancë për sigurimin e Presidentit Amerikan GEORGE W. Bush si dhe Zonjës së Parë në grupe për sigurimin e objekteve, ku zhvilloheshin aktivitetet, të gjithë punonjësit pjesëmarrës në shërbim kryen detyrën me përgjegjësi dhe korrektesë shumë të lartë Shtabi i Degës, Zyra e Delegacioneve dhe Kontrollorëve-shoqërues, Sektori i Sigurisë së Brendshme të PLSH-v e në Seli e Rezidenca organizuan punën dhe bashkëpunuan në kohë për planizimin e forcave dhe të mjeteve për mbarëvajtjen e shërbimeve, si dhe zbatimin e urdhërit të Komandantit të Gardës dhe Kryetarit të Degës. Shefat e zyrave, Komandantët e grupeve instruktuan personelin dhe dhanë detyra konkrete për secilin kuadër, për detyrat që do të kryejnë gjatë shërbimit, si dhe u evidentuan në librat përkatës. Puna e mirë e bërë nga drejtuesit e Degës gjatë vizitës së Presidentit të SHBA në vendin tonë dhe delegacioneve të tjera bëri të mundur që masat e sigurisë të ishin te larta. Në shërbime u dalluan për korrektësi në kryerjen e shërbimeve, përkushtim dhe profesionalizëm Major Admir Abrija, Kapiten Bektash Llanaj, Kapiten Mulet Haziraj, Kapiten Qatip Bara,Dede Rosaj, Astrit Rustemaj, Shpend Haklaj, Klodian Garunja etj.
 
Zyra e Delegacioneve të Huaja duke patur peshën më efektiv si në eskortë po ashtu në grupe rezervë në Degë dhe grupe mbështetje nëpër objekte përballoi ngarkesën e këtyre shërbimeve me sukses. Përmendim këtu punën e mirë të bërë nga Shefi i Zyrës së Delegacioneve Major Besim Shabani, i cili me punën paraprake, në instruktimin e punonjësve të zyrës, si dhe njohjen në çdo objekt nga afër dhe lënien e detyrave konkrete, bëri të mundur që efektivi i kësaj zyre të njihte detyrat dhe të vepronte sipas detyrave të lëna. Zyra e Kontrollorëve bëri planizimin, instruktimin e personelit të shërbimit për kryerjen e detyrave të planifikuara për sigurimin dhe ruajtjen e Presidentit Amerikan GEORGE W. Bush dhe Zonjës së Parë. Për këte shërbim puna filloi me përgatitjen paraprake, ku u zhvillua një stërvitje 3 (tre) ditore me program të veçantë me efektivin e zyrës, Sektori i objekteve si dhe paraqitje dinjitoze pranë objektit. Vizita e Presidentit Amerikan në qytetin e Fushë-Krujës tregoi dhe njëherë se shërbimet e Degës së R.M. të PLSH-ve për sigurimin e PLSH-ve dhe masat e marra ishin në nivele të larta. Tashmë themi me bindje se përvoja e arritur në këtë shërbim do të mbetet gjatë në memorjen e çdo punonjësi të Degës së R.M. të PLSH-ve dhe Gardës së Republikës.
   

 

Letër falenderimi e Presidentit të Shteteve të Bashkuara të Amerikës GEORGE W. BUSH, drejtuar Komandantit të Gardës së Republikës Kolonel Ndrea Prendi.

I dorëzohet Komandantit të Gardës së Republikes nga Shefi i S igurisë së A mbasadës Amerikane , Tiranë Z. Buford Pate në një takim zyrtar të organizuar në ambientet e Komandës së Gardës së Republikës. Në këtë letër falënderimi Presidenti i shteteve të Bashkuara të Amerikës George W. Bush vlerëson shumë shërbimet e Gardës së Republikës gjatë vizitës së Tij në Shqipëri. Shoqëruar me këtë letër falënderimi vjen edhe një fotografi e përbashkët e Presidentin Bush me Komandantin e Gardës së Republikës dalë gjatë një takimi para largimit të presidentit Bush nga Shqipëria. Vlerësime për punën profesionale të bërë nga punonjësit e Gardës se Republikës janë marrë edhe nga Kryeministri i Vendit Z. Sali Berisha dhe Ministri i Brendshëm Z. Bujar Nishani. Garda e Republikës synon të vazhdojë ne rrugën e Saj të rritjes së performancës dhe arritjen e standardeve të kohës ne Ruajtjen e Mbrojtjen e Personaliteteve të Larta Shtetërore të Vendit dhe atyre të Huaja që vizitojnë vendin tonë. Në përmbushje të misionit të saj Garda realizon të gjitha objektivat dhe detyrat me korrektësi e profesionalizëm të lartë.
 
 

  Për të parë fotot kliko këtu