2 363 100 lekë është shuma që efektivat e Gardës së Republikës, kanë ofruar për banorët e Qarkut të Shkodrës, që u prekën nga përmbytja më e madhe e ndodhur ndonjëherë, për shkak të rreshjeve të shumta të shiut dhe prurjeve në Kaskadën e Drinit dhe Fierzës.   
    Në solidaritet, efektivat e Gardës së Republikës, shprehën dëshirën për të kontribuar financiarisht me një shumë të depozituar vullnetarisht, në nr. e llogarisë të rezervuar për mbledhjen e fondeve në ndihmë të familjeve të dëmtuara, shumë e cila llogaritet 2 363 100 lekë, në ndihmë të banorëve të shpërngulur nga përmbytja në ultësirën e Shkodrës dhe rrethinat e qytetit, në veriperëndim të vendit.
   Gjithashtu, Garda e Republikës, ka kontribuar dhe vazhdon të kontribojë, me Forca dhe Mjete, në shpërndarjen me shpejtësi të ndihmave për banorët e zonave të përmbytura.